Erlent | mbl | 9.5.2025 | 6:44

Indverjar stöðva flug á 24 flugvöllum - 50 hafa látið lífið

Indverskir hermenn í Srinagar í indverska hluta Kasmír. AFP

Indverjar hafa stöðvað flug almennra borgara á 24 flugvöllum í norðurhluta landsins í kjölfar átaka Indlands og Pakstian sem hófst á miðvikudagskvöld.

Tæplega 50 hafa látið lífið, flestir í Pakistan, frá því Indverjar hófu loftárásir á Pakistan sem beinst hafa af hryðjuverkabúðum Pakstiana.

Vill aðstoða Indland og Pakistan við að ná sáttum

Í gærkvöld birtu indversk stjórnvöld lista yfir 24 flugvelli sem hafa verið lokaðir fyrir borgaralegt flug, þar á meðal í borgunum Jodhpur, Ludhiana og Amritsar nálægt vesturlandamærunum að Pakistan.

Sum af stærstu flugfélögum Indlands, þar á meðal Air India, IndiGo og SpiceJet, hafa aflýst yfir 100 flugferðum síðan á miðvikudag.

Alþjóðasamfélagið hefur þungar áhyggjur

Indverjar hófu loftárásirnar í kjölfar bannvænnar hryðjuverkaárásar á ferðamenn á yfirráðasvæði Indlands í Kasmír-héraði í síðasta mánuði þar sem 26 manns létu lífið og síðan hafa fjandríkin, sem bæði búa yfir kjarnorkuvopnum, skipst á eldflauga-, dróna- og stórskotaliðsárásum yfir landamærin.

Marco Rubio, utanríkisráðherra Bandaríkjanna, hvatti í gær stjórnvöld í Indlandi og Pakistan að grípa til tafarlausra aðgerða til að draga úr stigmögnun átaka þeirra á milli, og leita leiða til að ræða saman.