Páfinn settur formlega í embætti eftir viku

Innsetningarathöfn Leós XIV., nýkjörins páfa, mun fara fram sunnudaginn 18.maí á Péturstorginu í Róm. Þetta kemur fram í tilkynningu frá Vatíkaninu. 

Búist er við því að ýmsir þjóðarleiðtogar muni gera sér ferð á athöfnina, sem haldin verður tíu dögum eftir að Leó, sem hét upphaflega Robert Francis Prevost, hlaut kjör.

Nýji páfinn mun ræða við blaðamenn á mánudag og funda með diplómötum í Páfagarði föstudaginn eftir það. 

Leó XIV. mun koma fram í fyrsta skipti fyrir almenning miðvikudaginn 21. maí og funda með helstu embættismönnum Vatíkansins hinn 24. maí. 

• Blogga um frétt