Sautján handtökuskipanir vegna hruns skýjakljúfs

Dómstóll í Taílandi hefur gefið út 17 handtökuskipanir á hendur fólki sem tegist byggingu skýjakljúfs sem hrundi í jarðskjálfta í mars.

BBC greinir frá. 30 hæða skýjakljúfurinn hrundi þegar jarðskjálfti af stærðinni 7,7 reið yfir nágrannaríkið Mjanmar í mars síðastliðinn. 89 lík fundust í rústum byggingarinnar en sjö eru enn ófundin.

Frétt af mbl.is

Myndskeið: Byggingar hrynja í Bangkok

Lögreglan sem rannskar orsök hrun skýjakljúfsins segir að handtökuskipanirnar hafi verið gefnar út til fólks sem tók þátt í hönnun, byggingu og byggingareftirliti byggingarinnar, að því er staðbundnir fjölmiðlar greina frá.

Lögreglan nefndi einn einstaklinganna sem er kaupsýslumaðurinn Premchai Karnasuta, sem er fyrrverandi forseti eins stærsta byggingarfyrirtækis Taílands.

Tælenskir ​​fjölmiðlar greindu frá því í gær að rannsakendur hefðu fundið byggingargalla í lyftustokki í byggingunni en taílensk yfirvöld hafa ekki gefið út niðurstöður sínar um orsakir þess að byggingin hrundi.

Yfir 400 starfsmenn voru í byggingunni þegar hún hrundi en yfir 3.000 manns létu lífið þegar jarðskjálftinn reið yfir Mjanmar þann 28. mars og um 4.500 slösuðust.

• Blogga um frétt