„Ég man ekki eftir óvirkni af þessari stærðargráðu“

Skuldabréfaútboð breska ríkisins var framlengt í dag vegna tæknilegra vandamála hjá gagnaþjónustu Bloomberg.

Miðlarar kvörtuðu yfir miklum hægagangi á rauntímaþjónustum Bloomberg. Í kjölfarið sendi Bloomberg frá sér skilaboð þess efnis að unnið væri að greiningu og lausn á tæknilegu vandamáli sem snerti fjölmarga viðskiptavini.

Miðlarar og fjárfestar víða um heim eru orðnir mjög háðir þjónustum Bloomberg í viðskiptum sínum. Milljarðamæringurinn Michael Bloomberg stofnaði Bloomberg fyrir um 35 árum síðan. AFP

Mjög háðir þjónustum Bloomberg

Miðlarar og fjárfestar víða um heim eru orðnir mjög háðir þjónustu Bloomberg í viðskiptum sínum.

„Okkur hefur verið sagt að miðla ekki. Ég man ekki eftir óvirkni af þessari stærðargráðu,“ sagði viðskiptastjóri með höfuðstöðvar í London í samtali við Financial Times.

Ekki er ljóst á þessari stundu hvað veldur trufluninni.

Financial Times

• Blogga um frétt