Utanríkismálastjóri Evrópusambandsins og varaforseti Evrópuráðsins, Kaja Kallas, krefst rannsóknar á viðvörunarskotum sem skotið var að sendinefnd stjórnarerindreka í Jenin á Vesturbakkanum í dag.

Kallas sagði í samtali við blaðamenn í Brussel í dag að allar hótanir við líf diplómata séu óviðunandi. Kallar hún eftir því að þeir sem beri ábyrgð verði sannarlega dregnir til ábyrgðar.

Frétt af mbl.is

Herinn skaut að stjórnarerindrekum

Í sambandi við önnur ríki

Utanríkisráðherrar Ítalíu, Spánar og Belgíu hafa allir fordæmt atvikið en stjórnarerindrekar m.a. frá löndunum þremur voru í sendinefndinni.

Antonio Tajani utanríkisráðherra Ítalíu sagði á X að Ítalir skori á ríkisstjórn Ísraels að útskýra strax hvað gerðist. Hótanir í garð diplómata séu óviðunandi.

Talsmaður utanríkisráðuneytis Spánar sagði Spánverja vera í sambandi við önnur ríki sem málið snerti. Spánn fordæmdi atvikið harðlega.

Maxime Prevot, utanríkisráðherra Belgíu, sagði á X að hann væri sleginn yfir atvikinu og að Belgía krefjist sannfærandi skýringa frá Ísrael. Tekið var fram í orðræðu frá ráðuneytum landanna þriggja að erindrekar þeirra væru ómeiddir.

Tengdar fréttir

Ísrael/Palestína

Ísrael segir Hamas vopnvæða þjáningar

• Bílalest á leið til Gasa frá Túnis
• Tyrkir fordæma stöðvun skútunnar
• Ísraelsher stöðvaði skútuna
• Lík Sinwars fannst undir sjúkrahúsi

» Fleiri tengdar fréttir

• Blogga um frétt