Gefur eftir í samningum við ESB

Þá hafa báðir aðilar einnig skuldbundið sig til að koma upp sameiginlegu bókhaldskerfi um kolefnisútblástur, ásamt því sem Bretar verða á ný þvingaðir til að fylgja ýmsum reglum og stöðlum sambandsins og verða þeir að auki að lúta lögsögu Evrópudómstólsins.

Lengi deilt um fiskveiðar

Fiskveiðar hafa lengi reynst eitt helsta deilumál aðilanna tveggja en í samningaviðræðunum höfðu Bretar áður aðeins viljað heimila veiðar evrópskra togara á fiskimiðum sínum til næstu fimm ára. Að lokum var þó fallist á að heimila veiðar til mun lengri tíma, en í staðinn samþykkti ESB að gera breskum matvælaframleiðendum auðveldara fyrir að selja vörur sínar innan markaða sambandsins. Þá fá Bretar einnig aðgang að samevrópskum öryggisgagnagrunnum.

Undir hæl ESB á ný

Leiðtogar Evrópusambandsins fögnuðu því samningar hefðu náðst og þá lýsti Starmer því yfir að í samningarnir væru mikill sigur fyrir Bretland eftir áralanga pattstöðu.

Stjórnarandstöðuþingmenn hafa alfarið hafnað því að um sigur sé að ræða og segja þess í stað að með samningunum sé Bretland nú svo gott sem aftur komið undir hæl ægivaldsins í Brussel á ný. Í frétt breska dagblaðsins The Telegraph segir Boris Johnson, fyrrverandi forsætisráðherra, niðurstöðuna vera svik við breska kjósendur og að linkind Starmers væri endanleg uppgjöf Bretlands í sjálfstæðisbaráttu sinni við Evrópusambandið.

Kemi Badenoch, formaður Íhaldsflokksins, tók undir orð Johnsons og sagði samningana janframt vera stórt stökk aftur á bak í samskiptum ríkjanna.