„Mikilvægasta löggjöfin í sögu landsins“
Setja bókamerki
„Það má færa rök fyrir því að þetta sé mikilvægasta löggjöf sem komið hefur verið á í sögu landsins!“
Þetta sagði Donald Trump Bandaríkjaforseti um frumvarp sem felur í sér nýja innanríkisstefnu í landinu. Frumvarpið hefur verið samþykkt í fulltrúadeild Bandaríkjaþings með minnsta mun, 215 atkvæðum gegn 214.
Í færslu á Truth Social segir forsetinn að frumvarpið innihaldi umfangsmiklar skattalækkanir, engir skattar verði á þjórfé eða yfirvinnu og skattaafsláttur verði veittur af kaupum á amerískum bifreiðum.
Þá feli það í sér ákvæði um meira öryggi á landamærum Bandaríkjanna og launahækkanir til landamæravarða.
Fjármögnun er skilgreind í frumvarpinu fyrir „Golden Dome“, sem er nýtt loftvarnarkerfi Bandaríkjanna.
Þá voru þar kynntir til leiks sparnaðarreikningar fyrir nýbura kenndir við forsetann sjálfan.
Mikilvægur sigur Trumps
Samþykkt frumvarpsins í fulltrúadeildinni er talinn mikilvægur sigur Trumps, þar sem tekist hefur að sameina sundurleitan þingmannahóp fulltrúadeildarinnar en margir þingmenn vildu enn þrýsta á breytingar í frumvarpinu.
Lögin, sem repúblikanar hafa nefnt „One Big Beautiful Bill Act“, sem gæti útlistast sem hið eina stóra fallega frumvarp, miðar að því að uppfylla mörg af kosningaloforðum Trumps og snerta margvísleg stefnumál hans.
Óljóst er hvernig mun ganga að koma frumvarpinu í gegnum öldungadeildina en einhverjir þingmenn Repúblikana hafa gefið til kynna að þeir vilji gera á því breytingar.
Trump og Mike Johnson þingforseti hafa lýst vilja að frumvarpið verði að lögum fyrir þjóðhátíðardag Bandaríkjanna, 4. júlí.
Einstakur fornleifafundur í Noregi
Árásin mikið áhyggjuefni
Óvíst um öflun frekari gagna í Gufunesmáli
Gengur í kringum Vestfirði fyrir Sólheima
Sakborningar í Gufunesmálinu neita allir sök
Munar 31 krónu á lítra 50 metrum frá
Framhaldið veltur á viðbrögðum Írana
Leiðtogar bregðast við árásum Bandaríkjamanna