Óttast kjarnorkustríð vegna „Gullhvelfingar“
Setja bókamerki
Tengdar fréttir
Norður-Kórea
Norðurkóresk stjórnvöld fordæmdu í morgun áætlun Donalds Trump Bandaríkjaforseta um hina svokölluðu „Gullhvelfingu“ og sögðu hana „gríðarlega hættulega“ þar sem hún gæti orðið kveikjan að kjarnorkustríði í geimnum, að sögn ríkisfjölmiðils.
Sérfræðingar segja töluverðar tæknilegar og pólitískar áskoranir fylgja áætluninni og að hún gæti í ofanálag kostað fúlgur fjár.
Segja Bandaríkin hervæða himingeiminn
Í tilkynningu frá ríkisfjölmiðli Norður-Kóreu (KCNA) segir að utanríkisráðuneytið í höfuðborginni Pyongyang telji áætlunina „gríðarlega hættulega og ógnandi“ og að markmiðið sé að ráðast að hernaðarlegu öryggi ríkja sem búi yfir kjarnorkuvopnum.
Þar segir jafnframt að Bandaríkin séu „staðráðin í að hervæða himingeiminn“ og „gera hann að vígvelli kjarnorkustyrjaldar“.
Umdeilt loftvarnakerfi
Trump greindi frá nýjum upplýsingum um verkefnið, þar á meðal fjármögnun þess, í síðustu viku. Til stendur að „Gullhvelfingin“ verði háþróað loftvarnakerfi sem gæti skotið niður eldflaugar af öllum gerðum – jafnvel úr geimnum.
Kínverjar hafa einnig lýst yfir óánægju sinni með áætlunina og saka forsetann um að grafa undan stöðugleika.
Tengdar fréttir
Norður-Kórea
Gefur ekkert fyrir orð von der Leyen
„Við munum ekki sitja hljóð og horfa á“
Þrír ættliðir tóku þátt í Laugavegshlaupinu
Nýtt kort sýnir brennisteinsmökkinn: „Oft staðið á tæpu“
Bíl ekið á hóp fólks í Los Angeles
Aðstæður á Bjargi ekki boðlegar
Sambland af þoku og gosmóðu
Kennir skrifstofu von der Leyen um