Greta Thunberg komin til Svíþjóðar

Aðgerðarsinninn Greta Thunberg er mætt aftur til Svíþjóðar eftir að skút­an Madleen, sem hún og ellefu aðrir aðgerðarsinn­ar voru um borð, var stöðvuð af Ísra­els­her. 

Skút­an var stöðvuð í gær­ og sigldi í kjöl­farið í ísra­elska höfn eft­ir að Isra­el Katz, varn­ar­málaráðherra Ísra­els, hafði fyr­ir­skipað hernum að hindra för skút­unn­ar. 

Aðspurð hvort hún hefði verið hrædd þegar Ísraelsmenn komu um borð í skútuna sagði Thunberg: „Ég er einungis hrædd við þögnina sem er þegar verið er að fremja þjóðarmorð.“

Frétt af mbl.is

Greta Thunberg flogin frá Ísrael

Farþegum skút­unn­ar var gef­inn sá kost­ur að velja á milli þess að yf­ir­gefa landið sjálf­vilj­ugir eða þá að vera dreg­nir fyr­ir ísra­elska dóm­stóla.

Thun­berg valdi því þann kost að snúa til síns heima, en hún lenti í Stokkhólmi síðla kvölds. 

• Blogga um frétt