Forsætisráðherrar tjá sig um flugslysið
Setja bókamerki
Forsætisráðherrar Indlands og Bretlands hafa tjáð sig um hrap Boeing 787 Dreamliner-flugvélar sem hrapaði fyrr í morgun.
Flugvélin sem hrapaði, og var á vegum flugfélagsins Air India, var á leið frá Ahmedabad í Indlandi til Gatwick-flugvallar í Lundúnum en hún hrapaði nokkrum mínútum eftir flugtak. 242 farþegar voru um borð en þar á meðal voru 169 Indverjar og 53 Bretar.
„Þær fréttir sem berast þessa stundina af flugvél á leið til Lundúna, með fjölda breskra ríkisborgara um borð, eru hryllilegar. Hugur minn er hjá farþegunum og aðstandendum þeirra á þessum erfiðu tímum,“ segir Keir Starmer forsætisráðherra Bretlands, í tilkynningu.
Kemi Badenoch, formaður breska Íhaldsflokksins, hefur einnig tjáð sig um málið en hún segist harmi slegin yfir slysinu.
„Hörmungarnar í Ahmedabad hafa gert okkur öll orðlaus af sorg. Ég get ekki komið því í orð hversu sorgmæddur ég er yfir þessu. Á þessum hræðilegu tímum er hugur minn hjá öllum sem glíma nú við afleiðingar slyssins,“ segir Narendra Modi, forsætisráðherra Indlands.
Vita ekki hvað olli hópsýkingunni á Laugarvatni
Ný 85 íbúða þyrping fyrirhuguð í Skógarhlíð
Yfir 160 manns enn saknað í Texas
Tala látinna í Texas hækkar
Stjórnarandstaðan „hleypi lýðræðinu ekki í gegn“
Fíkniefnaframleiðslan „keðja um allt land“