Íranir hefna sín
Setja bókamerki
Íran hefur hafið gagnsókn gegn Ísrael. Loftvarnaflautur óma nú um Jerúsalem og fleiri borgir. Þá hefur Írönum tekist að skjóta eldflaugum inn í landið og hafa sprengingar heyrst.
Ísraelski herinn segir Írani hafa skotið yfir tíu eldflaugum á loft og eru íbúar hvattir til að leita skjóls.
Stríðsyfirlýsing að mati Íran
Ísraelar hófu í nótt árásir á her- og kjarnorkustöðvar víða um Íran. Fjöldi háttsettra íranskra hermanna og vísindamanna hafa látið lífið í árásunum. Ísraelsk yfirvöld hafa þó greint frá því að „eins og er séu engin áform um að fella stjórnmálaleiðtoga í Íran“.
Íranir hafa kallað árás Ísraela „stríðsyfirlýsingu“.
Ayatollah Ali Khamenei, æðsti klerkur Írans, heitir hefndum gegn Ísrael í myndbandsávarpi sem birtist nú fyrir skömmu.
„Þið megið ekki halda að þeir ráðist á okkur og að þetta sé búið. Nei. Þeir byrjuðu þetta og hófu þetta stríð. Við munum ekki leyfa þeim að sleppa frá þessum glæp sem þeir frömdu,“ sagði Khamenei.
Skelfileg tilfinning að sjá listann
Formgalli útskýrir af hverju umsóknin er virk
Vistunin brjóti gegn mannréttindum
Gefur ekkert fyrir orð von der Leyen
Logandi gígum fækkar
Gæslan fær 60 milljónir í björgunarlaun
„Við munum ekki sitja hljóð og horfa á“
Von der Leyen mætt og á leið að skoða gosið