Tíu látnir eftir flugskeytaárásir Írans
Setja bókamerki
Að minnsta kosti tíu manns voru drepnir í flugskeytaárásum Írans á Ísrael í nótt, að sögn ísraelskra yfirvalda.
Í Íran lá reykjarslæða yfir höfuðborginni Teheran eftir að herþota Ísraels gerði árás á tvær olíubirgðastöðvar. Langar biðraðir hafa verið á bensínstöðvum í Íran undanfarna daga af ótta við eldsneytisskort.
Sagði Bandaríkin ekki tengjast árásum
Donald Trump Bandaríkjaforseti sagði í morgun að stjórnvöld í Washington tengdust á engan hátt sprengjuárásum Ísraela á Íran sem hófust snemma á föstudaginn.
Trump sagðist þó ætla að bregðast við af fullum krafti ef Íran ræðst á bandarísk skotmörk. Í færslu á Truth Social sagði hann jafnframt að „við getum auðveldlega náð samningi á milli Írans og Ísraels til að binda enda á þessi blóðugu átök!!!”
Ísraelska lögreglan sagði að sex manns hefðu verið drepin og að minnsta kosti 180 særst eftir flugskeytaárás á Bat Yam, skammt frá borginni Tel Aviv.
Lofthelgin yfir Ísrael verður lokuð í dag, þriðja daginn í röð, vegna flugskeytaárásanna frá Íran.
Sendiherra Írans hjá Sameinuð þjóðanna segir að 78 manns hafi verið drepin og 320 særst í árásum Ísraela á föstudaginn.
Írönsk yfirvöld höfðu í morgun ekki greint frá heildarfjölda látinna eftir árásir Ísraela síðustu daga. Þau segja Ísraela þó hafa drepið háttsetta hershöfðingja og kjarnorkuvísindamenn.
Hanna fái aðgang að „jafnaðargeðsnámskeiði“
Virkjunin væri í uppnámi ef ekki væri fyrir ný lög
Um hvað snýst þetta Hvammsvirkjunarmál?
500 manns á biðlista og 200 að auki í biðrýmum
Segir lóðaskort valda fækkun íbúða í byggingu
Yfir 160 manns enn saknað í Texas
Fíkniefnaframleiðslan „keðja um allt land“