Ísraelski herinn greindi frá því í morgun að háttsettur íranskur embættismaður, Mohammad Saeed Izadi, hefði fallið í loftárás í Qom-héraði suður af höfuðborginni Tehran. 

Er hann sagður hafa stýrt hernaðarsamvinnu íranskra stjórnvalda og palestínsku Hamas-samtakanna.

„Ísraelskar orrustuþotur réðust til atlögu í Qom-héraði og felldu yfirmann Palestínudeildar byltingavarðliðanna og lykiltengilið íranskra yfirvalda við Hamas-samtökin, Saeed Izadi,“ segir í yfirlýsingu frá ísraelska hernum.

Árásir hafa gengið á víxl á milli Ísrael og Íran, frá því Ísrael hóf árásir á kjarnorkuinnviði Írana á föstudaginn fyrir viku síðan.

Ísraelar vilja meina að þeir hafi fellt fleiri háttsetta embættismenn í árásunum í morgun, en það hefur ekki verið staðfest.

Tengdar fréttir

Átök á milli Ísraels og Írans

Loftárásir tafið kjarnorkuáætlun um allt að tvö ár

• Íran slítur formlega samstarfi við IAEA
• Segja yfir 900 hafa verið drepna í Íran
• Efa stórlega að Ísrael virði vopnahléið
• Þúsundir syrgja í Teheran

» Fleiri tengdar fréttir

• Blogga um frétt