Yfirvöld í Pakistan hafa ákveðið að tilnefna Donald Trump Bandaríkjaforseta til friðarverðlauna Nóbels fyrir framlag sitt í friðarviðræðum Pakistans og Indlands, að því er Reuters greinir frá.

Telja Pakistanar Trump hafa sýnt af sér mikla framsýni og „framúrskarandi stjórnmálahæfileika“ með því að hafa komið að friðarviðræðum milli ríkjanna. Trump greindi frá vopnahléi á milli Indlands og Pakistans í maímánuði þegar ríkin höfðu skipst á árásum í fjóra daga. 

„Þessi íhlutun stendur sem vitnisburður um hlutverk hans sem sannur friðarsáttasemjari,“ sagði í tilkynningu um málið frá Pakistan. 

Forsvarsmenn Indlands eru ekki á sama máli og telja íhlutun Trumps hafa haft lítið með vopnahléið að gera.

Telja þeir að um tvíhliða samkomulag milli herja Indlands og Pakistans hafi verið um að ræða. 

Frétt af mbl.is

Vopnahlé á milli Indlands og Pakistans

Tengdar fréttir

Indland/Pakistan

Fyrsta friðsama nóttin í tæpa viku

• Indverjar hefna sín á meintum brotum Pakistana
• Pakistanar strax sakaðir um að rjúfa vopnahlé
• Vopnahlé á milli Indlands og Pakistans
• Skiptast á eldflaugaárásum

» Fleiri tengdar fréttir

• Blogga um frétt