Trump tókst að koma í veg fyrir fleiri árásir
Setja bókamerki
Benjamín Netanjahú, forsætisráðherra Ísraels, lét orrustuþotur Ísraelshers snúa við á leið sinni til Írans eftir að Donald Trump Bandaríkjaforseti hringdi í hann. Forseti Írans segir að Íranar muni virða vopnahléið ef Ísraelsmenn gera það líka.
„Í kjölfar samtals milli Trumps forseta og Netanjahús forsætisráðherra hefur Ísrael haldið aftur af frekari árásum,“ segir í yfirlýsingu frá embætti Netanjahús.
New York Times hefur eftir talsmanni Hvíta hússins að forsetinn bandaríski hafi verið „ákveðinn og afdráttarlaus“ við Netanjahú um það sem þyrfti að gerast til að vopnahléð myndi halda. Netanjahú hafi skilið áhyggjur Trumps og alvarleika ástandsins.
Forseti Íran kveðst tilbúinn að virða vopnahlé
Forseti Írans, Masoud Pezeshkian, sagði fyrir skömmu að landið muni virða vopnahlé Donalds Trumps, að því gefnu að Ísrael virði einnig skilmála þess.
„Ef síonistaríkið rýfur ekki vopnahléið mun Íran ekki brjóta það heldur,“ sagði Pezeshkian í símtali við Anwar Ibrahim, forsætisráðherra Malasíu, samkvæmt vefsíðu forsetaembættisins.
Var ekki skemmt og notaði blótsyrði
Klukkan sjö að staðartíma skaut Íran einni eldflaug að Ísrael og tveimur til viðbótar á ellefta tímanum. Eldflaugarnar voru m.a. skotnar niður og engan sakaði. Sem svar við brotum Írans á vopnahléinu eyðilagði flugher Ísraels ratsjárstöð nálægt Teheran, höfuðborg Írans.
Þotur voru einnig á leið til að ráðast á fleiri skotmörk í Íran þegar Trump sagði Ísraelsmönnum að láta af árásum sínum á samfélagsmiðlum.
Eins og sjá má á viðbrögðum Trumps í morgun, er blaðamenn ræddu við hann, var honum ekki skemmt yfir því að vopnahléið væri við það að falla í sundur.
Veit ekki hvað felst í 180 þúsund kr. kostnaðinum
Um hvað snýst þetta Hvammsvirkjunarmál?
Íbúðum í byggingu fækkar um land allt
Hefja undirbúning verkfalla í ágúst
Yfir 160 manns enn saknað í Texas
Lítið fer fyrir sleggju Kristrúnar