Óvissa er uppi um hvort að fulltrúadeild Bandaríkjaþings takist að afgreiða skattafrumvarp Donalds Trumps líkt og áætlað var nú í kvöld, en nokkrir þingmenn repúblikana á Bandaríkjaþingi hafa sagst ætla að kjósa gegn því og þar með þurrka út nauman meirihluta repúblikana á þinginu. 

Trump sækist eftir lokasamþykkt á hinu svonefnda „Stóra fal­lega frum­varpi“ (e. Big beautiful bill) í fulltrúadeildinni, en það hefur mætt mikilli mótstöðu frá bæði demókrötum og nú síðast innan raða hans eigin flokks.

Einnig hafa margir aðrir blandað sér í umræðu um frumvarpið líkt og auðkylfingurinn Elon Musk, en hann hefur verið óvæginn í gagnrýni sinni á það, sökum þess að áætlað er að það  muni auka fjárlagahalla Bandaríkjanna um mörg þúsund milljarða dala. 

Ekki er útlit fyrir að deilan í röðum repúblikana leysist í bráð en forseti þingsins, Mike Johnson, segist bjartsýnn á að hann muni koma frumvarpinu í gegnum þingið í kvöld.

Það er þó strembið verk sem blasir við Johnson enda samningskjörin afar kröpp, en um tuttugu þingmenn hafa lýst sig andsnúna frumvarpinu.

Tengdar fréttir

Donald Trump Bandaríkjaforseti

Sendir Úkraínu vopn en greiðir ekki fyrir þau

• Trump boðið að heimsækja bresku konungshjónin
• Frumvarp til „að ljúka stríðinu“
• Óafsakanlegum mistökum að kenna
• Tollar upp á 35% koma Kanada í opna skjöldu

» Fleiri tengdar fréttir

• Blogga um frétt