Elon Musk stofnar Ameríkuflokkinn
Setja bókamerki
Auðjöfurinn Elon Musk segist hafa stofnað sinn eigin stjórnmálaflokk. Flokkurinn ber nafnið „Ameríkuflokkurinn“.
Í færslu á samfélagsmiðlinum X sagði Musk:
„Þegar kemur að því að gera Bandaríkin gjaldþrota með sóun og spillingu, búum við í eins flokka kerfi, ekki lýðræði. Í dag er Ameríkuflokkurinn stofnaður til að gefa Bandaríkjamönnum frelsið sitt aftur.“
Gegn Repúblikanaflokknum
Musk hefur á síðustu vikum látið vita af áformum sínum og gagnrýnt þingmenn verulega fyrir að auka skuldsetningu Bandaríkjanna.
Hótaði hann því að ef efnahagsfrumvarp Donalds Trumps Bandaríkjaforseta, „Stóra fallega frumvarpið“, yrði að veruleika þá myndi hann stofna flokkinn.
Bandaríkjaþing samþykkti frumvarpið og Trump undirritaði það í gær.
Musk var á síðasta ári einn stærsti styrktaraðili repúblikana en undanfarið hafa Musk og Trump gagnrýnt hvor annan harkalega á eigin samfélagsmiðlum.
Sprungan 700 metrar: Kom að einhverju leyti á óvart
Nýjar myndir: Hraun rennur til austurs
Segir eldgosið „furðulega líkt“ fyrri eldgosum
Gæslan fær 60 milljónir í björgunarlaun
Dregur enn ekki úr gosinu: „Það var bara gabb“
Vistunin brjóti gegn mannréttindum