50 látnir þar af 15 börn

Tala látinna í kjölfar skyndiflóðanna, sem skullu á í Texas-ríki í Banda­ríkj­un­um á föstu­dag, er orðin 50. Þar á meðal eru 15 börn.

Kerr-sýsla, sem er um 150 km frá borg­inni San Ant­onio varð verst úti, þar sem 43 eru látnir og þá eru fjórir látnir í Travis-sýslu, tveir í Burnet-sýslu og einn í Tom Green-sýslu.

Enn er leitað að 27 stúlkum sem voru í Camp Mystic-sumarbúðunum í Kerr-sýslu þegar flóðin skullu á.

Frétt af mbl.is

Sumarbúðir lagðar í rúst: Yfir 20 stúlkna saknað

Leita af sér allan grun

„Við munum leita þar til allir sem saknað er hafa fundist,“ sagði Nim Kidd, yfirmaður í neyðarþjónustu Texas-ríkis.

Greg Abbott, ríkisstjóri Texas, sagðist myndu lýsa yfir neyðarástandi á stærra svæði en þegar hefur verið gert og að frekari fjárstuðnings yrði óskað frá Donald Trump og alríkisstjórninni.

Frétt af mbl.is

Heita því að leita þangað til allir eru fundnir

Úrkoman sem féll á nokkrum klukkustundum á föstudag nam margra mánaða meðalúrkomu á þessu svæði. Vatnsyfirborð í Guadalupe-ánni hækkaði um átta metra á um 45 mínútum.

Bandaríska veðurstofan (NWS), hefur varað við frekari úrkomu, sem gæti valdið flóðum í ám, lækjum, og öðrum svæðum á láglendi þar sem vatn getur flætt.

• Blogga um frétt