Vill „kveðja“ forsætisráðherrann

Hann hvatti einnig Emmanuel Macron forseta til að skipa forsætisráðherra úr röðum vinstri manna í samræmi við niðurstöður skyndikosninganna síðasta sumar, þegar bandalag vinstri flokka vann flest sæti en ekki meirihluta. Frá og með mánudegi hyggst Bayrou, sem er 74 ára gamall, hefja viðræður við stjórnarandstöðuna, en með því skilyrði að flokkarnir skuldbindi sig til að styðja aðhaldsaðgerðir.

Þótt Macron hafi lýst yfir stuðningi við hann hafa stjórnarandstöðuflokkar þegar sagt að þeir muni ekki styðja fjárlögin. Bayrou vill spara um 44 milljarða evra með ráðstöfunum á borð við að fækka frídögum og frysta allar útgjaldaaukningar ríkisins.

Aðgerðirnar hafa mælst illa fyrir í skoðanakönnunum og hafa verkalýðsfélög boðað til mikilla mótmæla í september. Þetta útspil Bayrous hefur vakið ótta um að Frakkland geti staðið frammi fyrir nýju og illviðráðanlegu tímabili langvarandi pólitísks og fjárhagslegs óstöðugleika.