Kín­verski hraðtísku­ris­inn Shein hefur hafið rannsókn innan fyrirtækisins í kjölfar þess að ljósmynd af manni, sem var að öllum líkindum búin til af gervigreind, voru notuð í auglýsingu á vefsíðu fyrirtækisins. Maðurinn á myndini leit út eins og Luigi Mangione sem er grunaður um morð í New York í desember. 

BBC greinir frá.

Mangione hefur verið ákærður fyrir morðið á Brian Thompson, forstjóra stærsta sjúkratryggingafyrirtækis Bandaríkjanna, en hefur vakið athygli fyrir annað en ódæðisverkin sem hann er ákærður fyrir, en það er útlit hans og fatastíll.

Myndin hefur verið fjarlægð af vefsíðu Shein en á henni virtist Mangione sitja fyrir í hvítri stutterma skyrtu, fáanlegri á Shein á aðeins 7,50 pund.

Frétt af mbl.is

Ákærður fyrir morð en orðinn tískutákn

Mangione hef­ur vakið at­hygli fyr­ir annað en ódæðis­verk­in sem hann er ákærður fyr­ir, en það er útlit hans og fata­stíll­. AFP

Segir myndina hafa komið frá þriðja aðila

Talsmaður Shein sagði við fréttastofu BBC að myndin hefði verið fengin frá þriðja aðila og fjarlægð um leið og fyrirtækið áttaði sig á að „módelið“ líktist Mangione.

„Við erum með stranga staðla fyrir allt sem birtist á síðunni okkar,“ sagði hann.

„Við höfum hafið ígrundaða rannsókn, erum að auka eftirlit og munum grípa til viðeigandi aðgerða gegn söluaðilanum í samræmi við stefnu fyrirtækisins.“

Ekki liggur enn fyrir hve lengi myndin hafði verið á síðunni eða hver ábyrgðaraðilinn er en talið er líklegt að myndin hafi verið búin til af gervigreind, þó að það hafi ekki fengist staðfest.

Frétt af mbl.is

Mangione lýsti sig saklausan

Tengdar fréttir

Manndráp á Manhattan

Morðið ekki skilgreint sem hryðjuverk

• Mangione lýsti sig saklausan
• Krefst dauðarefsingar yfir Mangione
• Neitaði sök um morð og hryðjuverk
• Mangione ákærður: „Þetta var ekki venjulegt morð“

» Fleiri tengdar fréttir

• Blogga um frétt