Ekkja Charlie Kirk fyrirgefur byssumanninum
Setja bókamerki
Erika Kirk, ekkja bandaríska íhaldsmannsins Charlie Kirk, kveðst fyrirgefa Tyler Robinson, 22 ára manni sem grunaður er um morðið á Charlie Kirk.
Þetta sagði hún á minningarathöfn Charlie Kirk á State Farm-leikvanginum fyrr í kvöld.
„Þessum manni, þessum unga manni, ég fyrirgef honum. Ég fyrirgef honum því það var það sem Kristur gerði og það er það sem Charlie myndi gera,“ sagði Erika Kirk.
„Á krossinum sagði frelsari okkar: „Faðir, fyrirgef þeim, því þeir vita ekki hvað þeir gjöra.“
„Svarið við hatri er ekki hatur“
Erika átti erfitt með að halda aftur af tárunum rétt eins og fólkið sem hlýddi á ræðu hennar, en 63.000 manns eru á minningarathöfninni.
„Svarið við hatri er ekki hatur. Svarið sem við þekkjum úr guðspjallinu er kærleikur og alltaf kærleikur. Kærleikur til óvina okkar og kærleikur til þeirra sem ofsækja okkur.“
Hún sagði einnig að Kirk hafi viljað bjarga ungum mönnum, eins og skotmanninum.
„Eiginmaður minn, hann vildi bjarga ungum mönnum, alveg eins og þeim sem tók líf hans,“ sagði Erika meðal annars.
Síðustu forvöð til að bjarga flakinu
Dularfullt tjón á Klapparstíg 14
Konan sem eldist ekki
Myndir: Fellaskóli sigraði í Skrekk
Tókust á um brotthvarf Sigríðar
Samdráttur eftir flutninginn í Álfabakka
„Hefur axlað fulla ábyrgð“
