Mikill viðbúnaður í tengslum við minningarathöfnina
Setja bókamerki
Búist er við allt að 100 þúsund manns á minningarathöfn í Arizona sem haldin verður til að minnast Charlie Kirk í dag. Áhrifavaldurinn og íhaldsmaðurinn Kirk var myrtur fyrr í mánuðinum.
Mikil öryggisgæsla verður við athöfnina sem samtökin Turning Point USA (TPUSA) halda. Kirk stofnaði samtökin þegar hann var 18 ára gamall. Þau hafa gefið það úr að vopnaleitin sem verður á viðburðinum muni einna helst líkjast því sem tíðkast á alþjóðaflugvöllum.
Einnig má búast við því að leyniþjónusta Bandaríkjanna verði með mannskap á svæðinu en hún annast öryggi Bandaríkjaforseta. Donald Trump mun leiða athöfnina ásamt fleiri hátt settum embættismönnum. Atlaga var gerð að lífi forsetans fyrir rúmlega ári síðan.
Aukið pólitískt ofbeldi
JD Vance varaforseti, Marco Rubio utanríkisráðherra, Pete Hegseth varnarmálaráðherra og Robert F. Kennedy Jr. heilbrigðisráðherra eru meðal þeirra hátt settu embættismanna sem ætla að ávarpa gesti samkomunnar.
Þar að auki mun fréttaskýrandinn Tucker Carlson og yfirmaður leyniþjónustunnar Tulsi Gabbard flytja ræðu.
Aukinn hiti og skautun hefur myndast í þjóðfélagsumræðu í Bandaríkjunum undanfarin ár en pólitískt ofbeldi er ein birtingarmynd þess. Auk banatilræðis Trumps og Kirk voru tveir öldungardeildarþingmenn demókrata myrtir í Minnesota fyrr á árinu.
Meintur morðingi ákærður
Tyler Robinson hefur verið ákærður fyrir morðið á Charlie Kirk en hann er talinn hafa skotið Kirk af um 150 metra færi. Robinson flúði af vettvangi í kjölfarið en gaf sig síðar fram við lögreglu eftir að faðir hans þrýsti á hann að gera það.
Farið hefur verið fram á dauðarefsingu yfir Robinson að því er Jeff Gray, saksóknari í Utah, greindi frá í vikunni.
Ásetningur Robinson er ekki skýr en ýmsar kenningar hafa verið settar fram í því samhengi. Ríkisstjóri Utah, heimaríkis Robinson þar sem morðið átti sér stað, hefur sagt að byssumaðurinn hafi verið vinstrisinnaður. Þá hafa kenningar um að Robinson hafi verið enn íhaldssamari en Kirk einnig verið reifaðar. Ein þeirra snérist um að Robinson tilheyrði hópi öfga-hægrimanna að nafni Groypers en að sú kenning hélt ekki vatni.
„Um 60.000 litlir kallar sem við pöntum“
Yfirlýsing Sigríðar: Ákvörðunin alfarið mín
Hefur áhyggjur af auknum einmanaleika ungra manna
Arion banki sýnir á spilin
„Biðum eftir útspilinu frá Seðlabankanum“
Viðbúnaðargeta ófullnægjandi
Veitir á ný verðtryggð lán á föstum vöxtum
