Stjórnvöld í Þýskalandi íhuga að heimila hernum að skjóta niður dróna að því er þýska blaðið Bild greinir frá í dag. 

Spenna hefur færst í aukana í Evrópu gagnvart Rússlandi í kjölfar dróna sem hafa sést á flugi víða í álfunni. 

Undanfarna daga hefur sést til dróna fljúga yfir flugvöllum í Danmörku og Noregi, sem hefur valdið því að sumum þeirra hefur verið lokað tímabundið. Einnig sást til dróna fljúga yfir stærstu herstöð Danmerkur seint í gærkvöldi. 

Þýskaland hefur einnig greint frá því að tilkynningar um grunsamlegar drónaferðir hafi aukist undanfarið. Nýjasta tilfellið var í norðurhluta landsins í gærkvöldi sem liggur að Danmörku. 

Grunur hefur beinst að Rússlandi þótt engar óyggjandi sannanir liggi fyrir. 

Drónavarnarkefni efld

Þýsk stjórnvöld hafa þegar tilkynnt um áform um að efla drónavarnarkerfi sín fyrr í vikunni til að bregðast við vaxandi ógn frá Rússlandi.

Bild greinir frá því í dag að þýsk  stjórnvöld íhugi nú að leyfa hernum að skjóta niður dróna við ákveðnar aðstæður.

Herinn ætti að geta gripið inn í ef dróni ógnar mannslífum eða mikilvægum innviðum og ef aðrar aðgerðir duga ekki til.

Í slíkum tilfellum yrði ákvörðunarvald að sögn fært yfir til varnarmálaráðuneytisins. Slíkt vald er nú í höndum lögreglunnar.

AFP hafði samband við innanríkisráðuneytið sem hefur ekki viljað staðfesta þessi áform.

Tengdar fréttir

Rússland

„Sjálfsblekking“ að halda að Úkraína vinni stríðið

• Tveir létust í árásum Rússa
• Trump veitir Ungverjum undanþágu
• Pútín vill skoða tilraunir með kjarnavopn
• Evrópa gæti verið í hernaðarlegri klemmu

» Fleiri tengdar fréttir

Fjölþátta ógnir

Dularfullir drónar á sveimi yfir belgískri herstöð

• Segir nýjar ógnir kalla á sterkari lögreglu
• Hættustig vegna hryðjuverka lækkað í Svíþjóð
• Svíar segja Rússa vera mestu ógnina
• Rannsaka straumrof til vatnsdælu

» Fleiri tengdar fréttir

• Blogga um frétt