Tyrknesk yfirvöld hafa bannað tónleika breska tónlistarmannsins Robbie Williams sem áttu að fara fram í Istanbúl á þriðjudag, 7. október, vegna „áhyggna af öryggi“. 

Á þriðjudaginn verða tvö ár frá hryðjuverkaárás Hamas á Ísrael sem leiddi til stríðsins á Gasa. 

Skipuleggjendur tónleikanna greindu frá því að tónleikunum væri aflýst „í samræmi við ákvörðun borgarstjórnar Istanbúl“. 

Eiginkona Williams er gyðingur og kom hann fram í Ísrael árið 2015 og 2023 þrátt fyrir ákall aðgerðarsinna um að hann skyldi sniðganga ríkið. 

„Mér þykir það afar leitt að ég geti ekki komið fram í Istanbúl í næstu viku,“ sagði í færslu Williams á Instagram. 

„Borgaryfirvöld hafa aflýst tónleikunum í þágu öryggi almennings. Það síðasta sem ég vill nokkurn tímann gera er að ógna öryggi aðdáenda minna – öryggi þeirra er alltaf í fyrirrúmi.“

Tengdar fréttir

Ísrael/Palestína

Skiluðu líkamsleifum hermanns sem var drepinn 2014

• Líkamsleifum námsmanns frá Tansaníu skilað
• Fordæmir brot á vopnahléinu
• Segja líkamsleifarnar tilheyra gíslum
• Opna aftur skóla á Gasasvæðinu

» Fleiri tengdar fréttir

• Blogga um frétt