Tilraunum Hamas-hryðjuverkasamtakanna og ísraelskra stjórnvalda til að bera klæði á vopnin á Gasasvæðinu var fram haldið í Egyptalandi í dag og reiknað með því að þær standi „nokkra daga“ eftir því sem bandaríska sjónvarpsstöðin CNN greinir frá.

Byggjast viðræðurnar á áætlun Donalds Trumps Bandaríkjaforseta um að koma á friði á svæðinu og koma milligöngumenn við umleitanirnar frá Bandaríkjunum, Katar, Egyptalandi og Tyrklandi hefur CNN eftir embættismanni sem til þekkir.

Hamas verði „þurrkuð út“

Trump krefur samningamenn um að hafa hraðann á og hefur áður látið í veðri vaka við CNN að Hamas-samtökin verði „þurrkuð út“ neiti þau að gefa völd sín á Gasa eftir.

Trump skipaði Ísraelum á föstudaginn að láta af loftárásum á svæðinu þar sem á annað hundrað manns hafa þó látið lífið yfir helgina.

Á morgun eru slétt tvö ár liðin frá hryðjuverkum Hamas í Ísrael. 

CNN

The Guardian

BBC

Tengdar fréttir

Ísrael/Palestína

Skiluðu líkamsleifum hermanns sem var drepinn 2014

• Líkamsleifum námsmanns frá Tansaníu skilað
• Fordæmir brot á vopnahléinu
• Segja líkamsleifarnar tilheyra gíslum
• Opna aftur skóla á Gasasvæðinu

» Fleiri tengdar fréttir

• Blogga um frétt