Framkvæmdastjóri Sameinuðu þjóðanna, Antonio Guterres, krefst þess að öllum gíslum sem eru í haldi á Gasasvæðinu verði sleppt þegar í stað og án nokkurra skilyrða.

Tvö ár eru liðin síðan Hamas-samtökin gerðu árás á Ísrael sem hratt af stað stríðinu á Gasasvæðinu.

Frétt af mbl.is

Veit ekki hvort sonur sinn sé lífs eða liðinn

Guterres sagði í ræðu sinni að á Gasasvæðinu hefði átt sér stað „mannúðar-hamfarir á stigi sem erfitt er skilja”. Hann hvatti jafnframt til endaloka stríðsins á Gasasvæðinu og að almennur fjandskapur á svæðinu hætti.

Fólk í faðmlögum á minningarsvæði um þá sem voru drepnir í Ísrael 7. október 2023. AFP/John Wessels

Alls voru 1.219 manns drepnir í árásinni á Ísrael, flestir almennir borgarar, samkvæmt tölum AFP sem byggja á opinberum ísraelskum tölum.

Vígamennirnir tóku einnig 251 manneskju í gíslingu á Gasasvæðinu. 47 þeirra eru enn í haldi, þar á meðal 25 sem Ísraelsher segir að séu látnir.

Alls hafa 67.160 manns verið drepnir í hefndaraðgerð Ísraelsmanna á Gasasvæðinu, samkvæmt tölum heilbrigðisráðuneytisins á svæðinu sem Hamas-samtökin stjórna. Sameinuðu þjóðirnar telja þær tölur vera réttar.

Tengdar fréttir

Ísrael/Palestína

Allur vafi tekinn af um málfrelsi

• Mótmæli takmarki ekki rétt til fyrirlestra
• Jafna heilu hverfin við jörðu á Gasa í vopnahléinu
• Skiluðu líkamsleifum hermanns sem var drepinn 2014
• Líkamsleifum námsmanns frá Tansaníu skilað

» Fleiri tengdar fréttir

• Blogga um frétt