Ríkisstjórn Ísraels samþykkti rétt í þessu formlega fyrsta fasa friðarsamkomulagsins sem Bandaríkjamenn lögðu til. 

Stríðandi fylkingar höfðu undirritað samkomulagið í morgun með fyrirvara um samþykki ríkisstjórnar Ísraels, sem nú er í höfn.

Frétt af mbl.is

Hamas: Stríðinu lokið fyrir fullt og allt

Ísraelsher gefur eftir land

Í yfirlýsingu frá forsætisráðuneyti Ísraels segir að ríkisstjórn Ísraels hafi samþykkt samkomulag sem tryggir lausn allra gísla sem í haldi eru á Gasa, bæði þá sem lifandi eru og þá sem týnt hafa lífi.

Vopnahlé tekur gildi á Gasa og á næsta sólarhring mun Ísraelsher hörfa aftur fyrir hina svokölluðu gulu línu, en þá heldur Ísraelsher áfram stjórn á um 53% af Gasa. Ef haldið verður lengra áfram með friðarsamkomulagið mun herinn hörfa enn lengra. 

Þetta er hin svokallaða gula lína, en Trump deildi mynd af henni á samfélagsmiðlum. Skjáskot/Truth Social

Aðalsamningamaður Hamas hefur sagt að samtökin hafi fengið tryggingu frá bæði Bandaríkjunum og sáttasemjurum sem staðfesti að „stríðinu sé lokið fyrir fullt og allt.“

Fréttin hefur verið uppfærð.

Tengdar fréttir

Ísrael/Palestína

Allur vafi tekinn af um málfrelsi

• Mótmæli takmarki ekki rétt til fyrirlestra
• Jafna heilu hverfin við jörðu á Gasa í vopnahléinu
• Skiluðu líkamsleifum hermanns sem var drepinn 2014
• Líkamsleifum námsmanns frá Tansaníu skilað

» Fleiri tengdar fréttir

• Blogga um frétt