Emmanuel Macron Frakklandsforseti hefur skipað Sebastien Lecornu aftur sem forsætisráðherra, fjórum dögum eftir að hinn síðarnefndi sagði af sér embætti. 

Í tilkynningu frönsku forsetahallarinnar sagði að Lecornu hefði verið skipaður sem forsætisráðherra og fengið það hlutverk að mynda nýja ríkisstjórn. 

Lecornu sagði á samfélagsmiðlum sínum að hann hefði samþykkt skipan sína í embætti vegna skyldurækni, og lagði áherslu á að nú þyrfti að skera á þann hnút sem hlaupinn væri í frönsk stjórnmál. 

Hét Lecornu því að hann myndi gera allt sem í sínu valdi stæði til þess að fá samþykkt fjárlög fyrir næsta ár á franska þinginu og að koma reglu á fjármál franska ríkisins væri áfram forgangsatriði fyrir framtíð Frakklands. 

Þá sagði Lecornu að þeir sem yrðu útnefndir í ríkisstjórn sína yrðu að setja á hilluna áform sín um að bjóða sig fram til forseta, en næst á að kjósa í embættið árið 2027. 

Tengdar fréttir

Frakkland

Mistökin sem flestir gera þegar þeir bóka gistingu í París

• Frakkar eru ekki dónalegir
• Lecornu tekur við völdum í miðjum mótmælum
• Ríkisstjórn Frakklands á barmi falls
• Faldar perlur frönsku riveríunnar

» Fleiri tengdar fréttir

• Blogga um frétt