Sex látnir eftir jarðskjálftann öfluga á Filippseyjum
Setja bókamerki
Í það minnsta sex eru látnir eftir að jarðskjálfti af stærðinni 7,4 reið yfir suðurhluta Filippseyja um klukkan 10 í morgun að staðartíma.
Skjálftinn átti upptök um 20 kílómetra frá bænum Manay á Mindanao-svæðinu samkvæmt upplýsingum frá jarðvísindastofnun Bandaríkjanna.
Þrír gullnámuverkamenn létust þegar göng hrundu í fjöllunum vestan við Manay, að sögn björgunarmannsins Kent Simeon frá bænum Pantukan. Einn verkamaður var dreginn lifandi út úr göngunum og nokkrir aðrir slösuðust.
Í borginni Mati, stærsta þéttbýlisstaðnum nálægt upptökum skjálftans, lést einn maður þegar veggur hrundi og þá lést annar maður úr hjartaáfalli á sömu slóðum. Jafnframt lést einn í Davao-borg, sem eru um 100 kílómetrum vestan við upptök jarðskjálftans.
Filippseysk yfirvöld gáfu út flóðbylgjuviðvörun skömmu eftir skjálftann og fyrirskipuðu brottflutning meðfram austurströndinni en viðvörunin var síðan dregin til baka.
Jarðskjálftinn í morgun átti sér stað aðeins 11 dögum eftir að jarðskjálfti af stærðinni 6,9 reið yfir Cebu-hérað þar sem 75 fórust og 1.200 manns slösuðust.
Kynnir nýja bandaríska hernaðaraðgerð
Sýnir að engin mörk eru virt
Vissi ekki af samningnum við fyrirtækið
Fáheyrður fundur í norskri gröf
Fólk þarf að passa sig á Svörtum föstudegi
Eðlilegast að endurhanna húsnæðið
„Ég var í mjög erfiðri fjárhagsstöðu á þeim tíma“