Trump á leið í læknisskoðun: „Ég er í frábæru formi“
Setja bókamerki
Donald Trump Bandaríkjaforseti fer í dag í sína aðra læknisskoðun á árinu en þessi elsti kjörni forseti í sögu Bandaríkjanna segist vera í frábæru formi.
Trump, sem er 79 ára gamall, mun ávarpa hermenn á Walter Reed hersjúkrahúsinu í útjaðri Washington-borgar áður en hann fer í skoðunina.
Trump fer í læknisskoðunina þremur mánuðum eftir að Hvíta húsið tilkynnti að hann hefði greinst með æðasjúkdóm í kjölfar vangaveltna um tíða marbletti á hendi hans og bólginn fótlegg.
Hvíta húsið sagði fyrr í vikunni að skoðunin í dag væri árleg, þrátt fyrir að Trump hefði þegar farið í slíka skoðun í apríl.
Trump sagði við fréttamenn í forsetaþotu sinni að hann ætlaði sér að fara í eins konar hálfs árs skoðun.
„Ég er í frábæru formi, en ég læt ykkur vita. En nei, ég á ekki í neinum vandræðum enn sem komið er. Líkamlega líður mér mjög vel. Andlega líður mér mjög vel,“ sagði Trump við fréttamenn.
Samdráttur eftir flutninginn í Álfabakka
Yfirlýsing Sigríðar: Ákvörðunin alfarið mín
Les útlendingum pistilinn um hringtorg
Grímur fékk stuttan tíma til umhugsunar
„Um 60.000 litlir kallar sem við pöntum“
/frimg/1/39/97/1399719.jpg)
Stór skjálfti í Öskju í morgun
Taldi flest íslensk ættarnöfn málspjöll