Viðræður um annan áfanga flóknar og erfiðar
Setja bókamerki
Samningaviðræður um annan áfanga friðaráætlunar Bandaríkjaforseta til að binda enda á átökin fyrir botni Miðjarðarhafs, verða flóknar og erfiðar, að sögn háttsetts fulltrúa Hamas-samtakanna.
Annar áfangi felur meðal annars í sér afvopnun Hamas og að Gasasvæðinu verði komið undir bráðabirgðastjórn undir forystu Donald Trump Bandaríkjaforseta. Þá á Ísraelsher að draga herlið sitt til baka að fullu við framkvæmd annars áfanga.
„Það fer ekki á milli mála að annar áfangi Trump-áætlunarinnar inniheldur mörg erfið og flókin atriði sem þarf að ná saman um,“ sagði Hossam Badran, embættismaður á vegum Hamas-samtakanna í samtali við AFP-fréttastofuna.
Hamas er reiðubúið til að bregðast við ef friðaráætlunin rennur út í sandinn og Ísraelsmenn hefja árásir á ný, að sögn Badran.
„Við vonum að við þurfum ekki að snúa aftur til stríðs, en palestísnska þjóðin mun veita mótspyrnu ásamt varnarsveitum og bregðast við af fullum krafti ef árásir hefjast á nýjan leik.“
Gíslar frelsaðir í fyrsta áfanga
Ísraelsmenn og Hamas-samtökin náðu saman um fyrsta áfanga friðarátætlunarinnar í fyrradag og hófst vopnahlé formlega í kjölfarið.
Fyrsti áfangi kveður á um frelsun gísla í haldi Hamas á Gasa og palestínskra fanga í haldi Ísraelshers og í ísraelskum fangelsum.
Þá átti Ísraelsher að hörfa aftur fyrir hina svokölluðu „gulu línu“ innan sólarhrings frá samþykktinni, og mun herinn þá stýra um 53% af Gasa.
/frimg/1/60/27/1602782.jpg)
Samfylkingin ekki skilað ársreikningi
Stjórnvöld semji við fyrirtæki sem hefur játað glæp
Lágmarks virðing að fyrirtæki fái að aðlagast
Mikilvægt að gripið verði til aðgerða
Vilja flytja starfsemina á Kjalarnes
Þrjú stór tré eiga að vera sjáanleg Akureyringum
Verði að bregðast við stöðu í meðferðarúrræðum
Mótmæli takmarki ekki rétt til fyrirlestra