Grunur beinist að dóttur sjálfs bæjarstjórans

Iris Stalzer, nýkjörinn bæjarstjóri í Herdecke sem varð fyrir hnífstunguárás á þriðjudag í síðustu viku, segir sautján ára gamla ættleidda dóttur sína hafa verið að verki.

Þýska lögreglan hefur greint frá þessum vitnisburði bæjarstjórans, sem fannst á heimili sínu með alvarlega áverka eftir árásina.

Stalzer er ekki lengur í lífshættu. Dóttirin var færð í gæsluvarðhald eftir árásina og sömuleiðis fimmtán ára sonur Stalzers, sem einnig er ættleiddur.

Iris Stalzer, bæjarstjóri Herdecke. AFP

Vakti hneykslan

Rannsakendur segjast hafa fljótlega fundið „marktækar sannanir“ í húsinu sem urðu til þess grunur beindist að börnunum.

Fyrstu fregnir af árásinni í síðustu viku vöktu hneykslan og meðal annars fordæmingu þýska kanslarans Friedrichs Merz. Þá var greint frá því að sonur Stalzers hefði fundið hana þungt haldna á heimili þeirra með stungusár á baki og kvið.

Mun hann hafa tjáð lögreglu frá því að nokkrir menn hefðu gert að henni aðsúg úti á götu.

Frétt af mbl.is

Fordæmir atlögu að bæjarstjóra

• Blogga um frétt