Hvetja Trump til að tryggja að árásir Ísraela hefjist ekki á ný
Setja bókamerki
Hamas hryðjuverkasamtökin hvetja Donald Trump, forseta Bandaríkjanna, og milligöngumenn vopnahlésins á Gasa til að tryggja að Ísrael hefji ekki aftur hernaðaraðgerðir á svæðinu.
„Við fögnum yfirlýsingu Donalds Trump Bandaríkjaforseta, þar sem hann staðfesti skýrt lok stríðsaðgerða Ísraels á Gasaströndinni,“ sagði Hazem Qassem, talsmaður Hamas, í samtali við AFP-fréttaveituna.
Í morgun var öllum 20 eftirlifandi gíslum sleppt úr haldi á Gasa og fyrsta rútan af 38 sem flytja palestínska fanga úr fangelsum í Ísrael er komin til Gasa.
„Við hvetjum alla milligöngumenn og alþjóðlega aðila til að halda áfram að fylgjast með hegðun Ísraels og tryggja að þeir taki ekki upp árásir gegn fólki okkar í Gasa á ný,“ segir talsmaður Hamas.
Friedrich Merz, kanslari Þýskalands, fagnar lausn 20 eftirlifandi ísraelskra gísla af Hamas og segir þetta skref í átti að friði í Mið-Austurlöndum.
„Tvö ár af ótta, sársauka eru að baki. Í dag geta fjölskyldur loksins faðmað ástvini sína aftur,“ skrifar Merz í færslu á samfélagsmiðilinn X eftir afhendingu gíslanna, en nokkrir þeirra eru þýskir ríkisborgarar.
Meintar moskítóflugur herja á Kópavog
Grímur fékk stuttan tíma til umhugsunar
„Um 60.000 litlir kallar sem við pöntum“
„Þú ert drepinn á staðnum“
Samdráttur eftir flutninginn í Álfabakka
Segir að ekki eigi að óttast gervigreind í skólum
Hefur áhyggjur af auknum einmanaleika ungra manna