Nokkrir látnir eftir átök í Gasaborg
Setja bókamerki
Nokkrir eru látnir eftir að átök brutust út í Gasaborg á milli Hamas-samtakanna og hinnar svokölluðu Doghmush-ættar.
Eiga átökin að hafa byrjað í síðustu viku er vopnahlé í stríði Hamas og Ísraels tók gildi en náð hámæli um helgina.
Skotbardagar í Gasaborg í gærkvöldi
Að sögn vitna sem ræddu við fréttaveituna AFP undir nafnleynd brutust út skotbardagar í Sabra-hverfi Gasaborgar í gærkvöldi. Vitnin ræddu við AFP undir nafnleynd vegna þess að þau óttast um öryggi sitt.
Áttu um 200 liðsmenn Hamas að hafa verið í hverfinu og barist þar til Doghmush-ættin var yfirbuguð.
Ættin sökuð um tengsl við Ísraelsmenn
Heimildarmaður innan innanríkisstjórnar Hamas segir við AFP að mannfall hafi orðið á báða bóga.
Hefur sami heimildarmaður sakað Doghmush-ættina um að hafa haft tengsl við Ísraelsmenn og framið fyrir þá morð. Þá tekur hann fram að sextíu manns innan Doghmush-ættarinnar hafi nú verið handteknir.
Doghmush-ættin hefur í yfirlýsingu neitað að hafa átt í samstarfi við Ísrael en gengist við að sumir liðsmanna hafi framið afbrot, þó án frekari útskýringa.
Þá hefur ættin sakað Hamas-samtökin um að hafa undanfarna daga beint spjótum sínum að liðsmönnum ættarinnar m.a. með því að drepa þá, handtaka þá eða brenna hús þeirra.
Eftir valdatöku sína á Gasasvæðinu árið 2007 hafa Hamas-samtökin átt ítrekað í ofbeldisfullum átökum við ýmis gengi á svæðinu.
Tókust á um brotthvarf Sigríðar
/frimg/1/39/97/1399719.jpg)
Stór skjálfti í Öskju í morgun
Meintar moskítóflugur herja á Kópavog
„Um 60.000 litlir kallar sem við pöntum“
Aukinn kostnaður við stólaskiptin
„Hefur axlað fulla ábyrgð“
Byggir á óskráðum reglum um óbeðinn erindisrekstur