Sex létu lífið í árás Bandaríkjahers
Setja bókamerki
Bandaríkjaher gerði árás á venesúelskan bát í dag með þeim afleiðingum að sex létu lífið. Bandaríkjaforseti sakar bátverjana um að flytja inn fíkniefni til Bandaríkjanna.
Frá þessu greinir Donald Trump Bandaríkjaforseti í færslu á samfélagsmiðlum.
Trump lýsti því nýlega yfir að Bandaríkin ættu í „vopnuðum átökum“ við eiturlyfjasmyglara frá Venesúela. Þetta er fimmta mannskæða árás Bandaríkjahers gegn meintum eiturlyfjasmyglurum.
Á annan tug hafa látið lífið.
Gerð á alþjóðlegu hafsvæði
Trump sagði í færslu á samfélagsmiðlum að Pete Hegseth varnarmálaráðherra hefði fyrirskipað árásina í morgun. Hann segir árásina hafa verið gerða á alþjóðlegu hafsvæði.
Sömuleiðis segir forsetinn að upplýsingar frá leyniþjónustunni hafi staðfest að fíkniefni væru um borð í bátnum.
Hegsteth birti myndskeið af árásinni í færslu á X.
Deilt um lögmæti aðgerðanna
Deilt er um hvort aðgerðir Bandaríkjahers séu löglegar. Repúblikanar á bandaríska þinginu hafa óskað eftir upplýsingum frá Hvíta húsinu um lagalegan grundvöll og smáatriði árásanna. Demókratar hafa jafnframt haldið því fram að árásirnar brjóti í bága við bandarísk og alþjóðleg lög.
AP-fréttastofan hefur eftir heimildamönnum sínum að ríkisstjórn Trumps hafi ekki enn lagt fram gögn sem sýni fram á að bátarnir, sem herinn hefur gert árásir á, hafi verið að flytja inn fíkniefni.
„Ég var í mjög erfiðri fjárhagsstöðu á þeim tíma“
Áfallið var ólýsanlegt
„Verðbólgan verður erfið viðureignar“
Vissi ekki af samningnum við fyrirtækið
Kynnir nýja bandaríska hernaðaraðgerð
Vagnstjórinn í Stokkhólmi látinn laus
Vaxtasleggjan missti marks