Fyrrum forsætisráðherra Kenía lést úr hjartaslagi

Raila Odinga, leiðtogi stjórnarandstöðunnar í Kenía og fyrrum forsætisráðherra landsins, er látinn. Hann lést í Indlandi þar sem hann var í meðferð vegna veikinda að sögn indversku lögreglunnar. Odinga var 80 ára gamall.

Odinga, sem var forsætisráðherra frá 2008 til 2013, var á göngu með systur sinni, dóttur og lækni þegar hann féll óvænt niður með hjartastopp. Hann var þegar fluttur á nærliggjandi sjúkrahús og var þar úrskurðaður látinn.

Odinga var kjörinn á þing árið 1992. Hann bauð sig fram til forseta í 1997, 2007, 2013, 2017 og 2022, en komst aldrei í embættið, og hélt því fram að hann hefði verið svikinn um sigur í síðustu fjórum kosningunum.

• Blogga um frétt