Minni áhugi í ESB á refsiaðgerðum gagnvart Ísrael
Setja bókamerki
Friðarviðræður í Miðausturlöndum virðast hafa breytt afstöðu margra innan Evrópusambandsins til viðskiptaþvingana sem til stóð að beita gegn Ísrael.
Eftir að síðustu lifandi gíslarnir sem voru í haldi Hamas voru leystir úr haldi og vopnahlé tók gildi í Gasaströndinni á mánudag, hefur afstaðan gagnvart Ísrael mildast í Brussel. Þannig hafa vaknað spurningar um það hvort áður samþykktar refsiaðgerðir gegn Ísrael eigi að halda.
„Slíkar aðgerðir eru settar fram í ákveðnu samhengi, og ef það samhengi breytist, getur það haft áhrif á afstöðu okkar,“ sagði Paula Pinho, talskona framkvæmdastjórnar ESB. „En við erum ekki komin þangað enn.“
Ummælin eru túlkuð sem vísbending um að framkvæmdastjórnin sé að hverfa frá áformunum.
Hugðust fella niður tollafríðindi
Í september lagði Ursula von der Leyen, forseti framkvæmdastjórnarinnar, til að fella niður tollafríðindi fyrir 37% af útflutningi Ísraels til ESB og frysta tvíhliða aðstoð við Ísrael. Tillögurnar hafa þó ekki hlotið nægan stuðning meðal aðildarríkja.
Heimildir í Brussel segja að breyttar aðstæður í kjölfar friðarviðræðna hafi kælt áhuga á að halda málinu áfram.
Trúnaður nauðsynlegur á viðkvæmu stigi málsins
Minnast ekki orði á það sem enn vantar
Segja tjónið nema hundruðum milljóna
Flugumferðarstjórar samþykktu nýjar aðgerðir
Aldinn höfðingi er fallinn og horfinn í saltan sæ
Bræður sakfelldir fyrir peningaþvætti og gabb
Segir baráttuna hafa ruggað bátnum
Faðir barns á Múlaborg: Ekki enn hringt til baka