Írönsk stjórnvöld tilkynntu í dag að landið telji sig ekki lengur bundið af takmörkunum á kjarnorkuáætlun sinni, eftir að tíu ára samningur þess við helstu stórveldi rann út. Þrátt fyrir það undirstrika stjórnvöld í Teheran að þau séu áfram skuldbundin diplómatískum leiðum og samningaviðræðum.

„Frá og með nú eru öll ákvæði samkomulagsins frá 2015, þar á meðal þau sem varða takmarkanir á kjarnorkuáætlun Írans og tengd eftirlitskerfi, talin falla úr gildi,“ segir í yfirlýsingu utanríkisráðuneytis Írans sem birt var í dag, en samningur um takmarkanir á áætluninni rann út í dag. 

„Íran lýsir eindreginni skuldbindingu sinni við diplómatískar lausnir,“ segir jafnframt í yfirlýsingunni.

Samningurinn, sem undirritaður var árið 2015, fól í sér að Íran drægi úr kjarnorkuáætlun sinni gegn afléttingu efnahagslegra refsiaðgerða. Á síðari árum hefur hann þó verið í uppnámi eftir að Bandaríkin drógu sig úr samkomulaginu árið 2018.

Tengdar fréttir

Íran

Skilaboð til Trump: „Láttu þig dreyma“

• Íran sniðgengur fundinn í Egyptalandi
• Ekki fleiri aftökur í Íran í 30 ár
• „Tilvera þín er í sjálfu sér pólitísk yfirlýsing“
• Stefnan glæpur gegn mannkyninu

» Fleiri tengdar fréttir

• Blogga um frétt