Perú slítur stjórnmálatengsl við Mexíkó

Ríkisstjórn Perú hefur slitið á öll stjórnmálatengsl við Mexíkó fyrir að hafa veitt fyrrverandi forsætisráðherra Perú, Betssy Chavez, hæli í landinu.

Rannsókn stendur yfir á Chavez í Perú í tengslum við meinta valdaránstilraun í landinu árið 2022.

Frétt af mbl.is

Castillo steypt af stóli í Perú

Pedro Castillo, fyrrverandi forseti Perú, og Betssy Chavez er hún sór embættiseið sem forsætisráðherra árið 2022. AFP

„Í dag fréttum við óvænt af því og erum afar leið yfir því að fyrrverandi forsætisráðherranum Betssy Chavez, meintum samverkamanni í valdaránstilraun fyrrverandi forsetans Pedro Castillo, hefur verið veitt hæli í mexíkóska sendiráðinu í Perú,” sagði Hugo de Zala, utanríkisráðherra Perú, á blaðamannafundi.

Hugo de Zela, utanríkisráðherra Perú. AFP

„Vegna þessar óvinveittu aðgerðar, og með tilliti til endurtekinna atvika þar sem núverandi og fyrrverandi forsetar þessa lands hafa skipt sér af innanríkismálum í Perú, hefur ríkisstjórn Perú ákveðið að slíta í dag á öll stjórnmálatengsl við Mexíkó,” bætti hann við.

Stjórnvöld í Mexíkó brugðust ókvæða við þessari ákvörðun og sagði utanríkisráðuneyti landsins að farið hefði verið yfir strikið með henni. Ákvörðunin hefði verið lögmæt og í samræmi við alþjóðalög.

• Blogga um frétt