Mál lögreglumanns til ríkissaksóknara
Setja bókamerki
Lögreglan á höfuðborgarsvæðinu segir, að eftir gagnaöflun síðar í dag vegna myndbands, sem sýnir lögreglumann grípa um háls ungs pilts, verði málið formlega sent ríkissaksóknara til rannsóknar, en hann fer samkvæmt lögreglulögum með rannsókn mála sem snerta meint brot lögreglumanna í starfi.
Í tilkynningu frá lögreglunni segir, að um leið og ábendingar bárust lögreglu um myndbandið hafi þegar í stað hafist athugun á því hvenær þetta hafi gerst og hvaða lögreglumaður væri þarna á ferðinni, enda sé framgangan með þeim hætti að það krefjist að mati lögreglustjóra rannsóknar. Ríkissaksóknara var þegar gert viðvart um þetta atvik vegna alvarleika þess.
Ríkislögreglustjóra verður einnig gert viðvart um málið en hann fer með skipunarvald yfir lögreglumönnum og tekur því ákvörðun um hvort lögreglumanninum verður vikið frá störfum um stundarsakir meðan á rannsókn málsins stendur.
Fram að því að ákvörðun um það liggur fyrir mun lögreglumaðurinn ekki sinna störfum hjá lögreglunni á höfuðborgarsvæðinu.
Bloggað um fréttina
-
Sorglegt að sjá
-
Hann tók hann ekki hálstaki
-
Ég læt lögreglumanninn njóta vafans !!!!!!!
-
Lögregluofbeldi gegn unglingaofbeldi!!!!!
-
Rugl.
-
Myndavélasímarnir standa fyrir sínu
-
Komin í sumarfrí
-
Ofbeldi löggunar!
-
Litli bróðir
-
Húrra !!!
-
www.copwatch.com Núna er tíminn að ganga með cameru á sér, …
-
Samsekur
-
COMMON SENS !!!
-
Police brutality?