Gjaldeyrishöft kosta milljarða

Ragnar Árnason.
Ragnar Árnason. Jim Smart

Ragnar Árnason hagfræðiprófessor segir að gjaldeyrishöftin kosti efnahagslífið milljarða króna. Hann furðar sig á því að yfir höfuð skuli hafa verið gripið til þessar aðgerða og segir að íslenskt efnahagslíf fáist ekki staðist nema með frjálsu flæði fjármagns.

Þetta kom fram á fundi Félags viðskipta- og hagfræðinga um gjaldeyrishöft og framtíðina í peningamálum, sem nú stendur yfir. Már Guðmundsson, seðlabankastjóri, hélt erindi um valmöguleika Íslendinga í stjórn peningamála, eftir að samstarfi við AGS lýkur og höftin verði afnumin.

Már sagði að valkostirnir væru í grófum dráttum þrír: það sem hann kallar verðbólgumarkmið plús, með samstarfi í peninga- og ríkisfjármálum og virkum inngripum á gjaldeyrismörkuðum, einhverskonar fastgengisstefna og einhliða upptaka annars gjaldmiðils. Í pallborðsumræðum á fundinum féllst Már á það sjónarmið af kostnaðurinn við höftin væri verulegur.

Illugi Gunnarsson þingmaður sagði í erindi sínu að reynslan sýndi að við frjálst flæði fjármagns yrði að hafa svipað vaxtastig á Íslandi og annars staðar í heiminum. Hann mælti með regluverki um ríkisútgjöld og aukinni samvinnu í peninga- og ríkisfjármálum. Skattleggja yrði einnig svokölluð vaxtamunarviðskipti, til að koma í veg fyrir óhóflegt innflæði fjármagns.

Steingrímur J. Sigfússon fjármálaráðherra tekur þátt í pallborðsumræðum. Hann sagði að sýna yrði aukið aðhald í ríkisfjármálum þegar þensla ætti sér stað í hagkerfinu svo ríkið ætti borð fyrir báru þegar niðursveifla á sér stað.

 Gísli Hauksson, framkvæmdastjóri GAM Management, taldi ljóst að kostnaðurinn við sjálfstæða peningastefnu hefði reynst of mikill fyrir íslensk fyrirtæki.En þar sem að gjaldeyrishöftin yrðu ekki afnumin í bráð ættu stjórnvöld að nota svigrúmið til þess að móta trúverðuga peningastefnu sem yrði svo hrint í framkvæmd þegar gjaldeyrishöftin loks renna sitt skeið á enda.

mbl.is

Bloggað um fréttina

Viðskipti — Fleiri fréttir

Í dag

Í gær

Laugardaginn 1. ágúst

Föstudaginn 31. júlí

Fimmtudaginn 30. júlí

Miðvikudaginn 29. júlí

Þriðjudaginn 28. júlí

Mánudaginn 27. júlí

Laugardaginn 25. júlí