Hvert merki kostar 28.750 krónur og af þeirri upphæð renna 25.000 krónur til Umferðarráðs en 3.750 krónur er framleiðslukostnaðurinn. Einkamerkishafi á ekki einkamerkið heldur er hann leyfishafi í átta ár en eftir þann tíma þarf hann að endurnýja leyfið vilji hann halda því. Einkamerkið fylgir eigandanum og það má aðeins vera á ökutæki sem er skráð á leyfishafann. Selji hann ökutækið verður hann að taka einkamerkið af og setja fastanúmerið á. Kaupi hann nýtt ökutæki sem hann vill setja einkanúmið á, þarf hann að taka fastanúmerið af nýja ökutækinu og leggja það inn hjá Skráningarstofunni eða næsta skoðunarstöð. Flutningur á merkjunum kostar 2.700 krónur.
Það kennir margra grasa þegar einkamerki eru skoðuð. Meðal merkja sem nú eru í notkun eru ÁST, HROÓS, MOZART, ZZZZZZ svo dæmi séu tekin.