Lögreglan í Reykjavík hefur til skoðunar meinta líkamsárás á Grétar Sigurðarson, einn sakborninga í Neskaupstaðarmáli í fyrrinótt. Lögreglan hafði tal af Grétari á sjúkrahúsi í gær og var ákveðið að hann myndi í kjölfarið koma á lögreglustöð til að leggja fram kæru. Að sögn Harðar Jóhannessonar yfirlögregluþjóns varð þó ekki af því. Grétar gaf lögreglu takmarkaðar upplýsingar á sjúkrahúsinu og eru málsatvik óljós. Meiðsli hans voru óveruleg að sögn Harðar.