Helgin verður notuð til úrvinnslu gagna

Engar ákvarðanir voru teknar um framgang fjölmiðlafrumvarpsins á fundi formanna ríkisstjórnarflokkanna í stjórnarráðinu í gær. Sögðu þeir að verið væri að vinna að málinu innan allsherjarnefndar Alþingis sem myndi líklega afgreiða það eftir helgi.

Formennirnir sögðu að ríkisstjórnin stæði traustum fótum og þetta hefði ekki áhrif á samvinnu stjórnarflokkanna.

Halldór Ásgrímsson utanríkisráðherra sagðist ekki hafa lagt fram neinar kröfur varðandi efni eða meðferð frumvarpsins á fundinum. Hann og Davíð væru vanir að finna lausnir í sínu samstarfi og það hlyti að gilda um þetta mál líka. Eðlilegt væri að lýðræðisleg umræða um frumvarpið færi fram í Framsóknarflokknum.

Davíð Oddsson, forsætisráðherra, hafði engar áhyggjur af málinu og sagði það í vinnslu innan allsherjarnefndar. Hann væri ekki í vafa um að farsæl niðurstaða fengist hver sem hún yrði. Ekki er gert ráð fyrir að formennirnir hittist um helgina. Davíð sagði að Halldór hefði verið að missa móður sína í fyrradag og þyrfti skiljanlega að sinna ýmsu í kringum það.

Eru að tefja málið

Formenn stjórnarandstöðuflokkanna hafa óskað eftir fundi í allsherjarnefnd svo fljótt sem auðið er. Segja þeir að þingmenn stjórnarflokkanna séu að tefja fjölmiðlafrumvarpið í nefndinni á meðan verið sé að útkljá djúpstæðan ágreining þeirra á milli. Bjarni Benediktsson, formaður allsherjarnefndar, segir að fundarboð verði sent út í dag. Nefndarmenn séu að vinna úr framlögðum gögnum þó ekki séu haldnir formlegir fundir.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.090 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »