Atli Gíslason, lögmaður Hjördísar Hákonardóttur, eins umsækjenda um stöðu hæstaréttardómara, hyggst senda settum dómsmálaráðherra, Geir H. Haarde, bréf þar sem óskað er eftir rökstuðningi ráðherra hvernig skipan Jóns Steinars Gunnlaugssonar samrýmist ákvæðum jafnréttislaga og þeim forsendum sem gefnar voru í auglýsingu um embættið.

Jafnframt ætlar Atli að óska eftir afriti af bréfi sem Geir fékk sent frá Jóni Steinari, að liðnum umsóknarfresti um stöðuna. Atli segist ekki vita um innihald bréfsins, en umbjóðandi sinn vilji sjá það. Efni þess hafi ekki verið kynnt öðrum umsækjendum. Væntanlega hafi Jón Steinar verið að fylgja eftir umsókn sinni.

Að sögn Atla verður settur dómsmálaráðherra einnig spurður af hverju lögmannsreynslan var tekin út úr í rökstuðningi ráðherra en horft framhjá öðrum matsþáttum. Spurt sé að gefnu tilefni í umsögn Hæstaréttar frá í ágúst 2003, þegar Ólafur Börkur Þorvaldsson var skipaður, þar sem áhersla hafi verið lögð á önnur atriði en lögmannsreynslu umsækjenda.

Tengdar fréttir

Deila um skipun dómara í Hæstarétt

Geir H. Haarde: Reynsla af lögmannsstörfum og málflutningi réði skipuninni

• Eiríkur Tómasson: „Aðferðinni við skipunina verður að breyta“
• Stefán Már: „Tjái mig ekki fyrr en ég fæ þetta formlega“
• Jón Steinar skipaður hæstaréttardómari
• Segi hvort hann hafi veitt umboðsmanni tiltal eður ei

» Fleiri tengdar fréttir