Páskaegg send til Afríku, Asíu og Suður-Ameríku

Allir starfsmenn Þróunarsamvinnustofnunar Íslands, með aðsetur erlendis, hafa nú fengið páskaegg frá Íslandspósti. 20 egg voru send til Afríku, Asíu og Suður-Ameríku, og komust örugglega og óbráðin til viðtakenda.

Eggin voru send til Malaví, Namibíu, Mósambík, Úganda, Sri Lanka og Níkaragva með hraðþjónustu. Eggjunum var pakkað í pappakassa og þau vafin bóluplasti og dagblöðum troðið með. Kassarnir voru síðan merktir „KEEP COOL“, eða „HALDIÐ KÖLDUM“.

Á myndinni sést Rúnar Atli Viium, tveggja ára sonur Vilhjálms Viium, umdæmisstjóra ÞSSÍ í Windhoek í Namibíu, með páskaegg. Hann var að vonum kátur yfir sendingunni.

• Blogga um frétt