Stingur upp á Valgerði í embætti varaformanns

Björn Ingi Hrafnsson, formaður borgarráðs Reykjavíkur, segist á bloggsíðu sinni ekki ætla að gefa kost á sér í embætti varaformanns Framsóknarflokksins á komandi miðstjórnarfundi. Hann hvetur Valgerði Sverrisdóttir til að ljá máls á framboði við þær aðstæður sem nú séu komnar upp.

Jón Sigurðsson sagði af sér sem formaður flokksins í morgun og Guðni Ágústsson tók við embættinu. Verður nýr varaformaður kjörinn á miðstjórnarfundi innan skamms í stað Guðna.

Björn Ingi segir að hann hafi verið hvattur til að sækjast eftir því embætti en ætli ekki að gera það. Hann sé enn ungur maður og takist á við krefjandi og fjölbreytt störf á vettvangi borgarstjórnar Reykjavíkur „og kannski mun minn tími koma í þessum efnum síðar."

Bloggsíða Björns Inga

• 4 blogg um fréttina

Bloggað um fréttina

• G. Tómas Gunnarsson: Sterkasti framsóknarmaðurinn - Fjölmiðlaarmurinn
• Stefán Friðrik Stefánsson: Verður Valgerður varaformaður Framsóknarflokks?
• Ég: Augljóst move - hann gengur í sjálfstæðisflokkinn innan 3 ára …
• Jón Lárusson: Var að spekúlera ...