Tvær langdrægar rússneskar sprengjuflugvélar af gerðinni Tupolev 95 (BEAR H) fóru inn á íslenska loftrýmiseftirlitssvæðið norður af landinu klukkan 5:30 í morgun. Að sögn utanríkisráðuneytisins flugu vélarnar í hringferð um landið og komu næst landinu u.þ.b. 43 sjómílur suður af Kötlutanga.

Utanríkisráðuneytinu bárust upplýsingar í gærkvöldi um að slíkt flug gæti verið væntanlegt og var Ratsjárstofnun, sem fyrr, á vakt vegna þessa.

Fylgst var með fluginu allan tímann af Ratsjárstofnun og upplýsingum miðlað til viðeigandi stofnana innanlands, m.a. til þess að tryggja öryggi almennrar flugumferðar. Einnig var skipst á upplýsingum við viðeigandi herstjórnir innan Atlantshafsbandalagsins og viðbrögð við fluginu samhæfð á milli þriggja bandalagsríkja, Íslands, Noregs og Bretlands.

Breskar orrustuþotur mættu sprengjuflugvélunum austur af landinu og fylgdu þeim norður eftir að mörkum loftrýmiseftirlitssvæðisins. Vélarnar rufu ekki lofthelgi Íslands.

Tengdar fréttir

Flug rússneskra herflugvéla við Ísland

Fundað í vinsemd vegna heræfinga Rússa

• Ekkert meiriháttar deilumál við Rússa
• Sendiherra segir að Rússar þurfi ekki að láta vita af ferðum flugvéla
• Utanríkisráðuneytið óskar skýringa á flugi rússneskra sprengjuflugvéla
• Átta rússneskar sprengjuflugvélar yfir Norður-Atlantshafi

» Fleiri tengdar fréttir

• 1 blogg um fréttina

Bloggað um fréttina

• Björn Árni Ólafsson: Bernskuminning