Söluandvirði eigna á Keflavíkurflugvelli 18 milljarðar
Setja bókamerki
Heildarsöluverð eigna ríkisins á fyrrum varnarsvæði við Keflavíkurflugvöll getur orðið allt að 18 milljarðar króna þegar umbreytingu svæðisins verður lokið á næstu 3-4 árum en kostnaður við lagfæringar eigna og hreinsun á svæðinu getur orðið um helmingur af því.
Þetta kemur fram í framhaldsnefndaráliti meirihluta fjárlaganefndar um fjáraukalagafrumvarp fyrir yfirstandandi ár. Þar er gert ráð fyrir að kostnaður í tengslum við sölu eigna á svæðinu nemi 1170 milljónum á þessu ári og er aðallega um að ræða útgjöld í tengslum við lagfæringar og breytingar á fasteignum til að koma þeim í söluhæfara ástand.
Áætlað er að verðmæti seldra eigna á þessu ári nemi um 15,7 milljörðum króna en samkvæmt samningum greiðist það á fjórum árum og er reiknað með að greiðslurnar á árinu 2007 verði 3,5 milljarðar kr. Fram kemur í nefndarálitinu, að ríkisendurskoðandi hafi staðfest við nefndina að þessar tekjur byggist á yfirferð embættisins á sölusamningum og að þeir séu að mati þess tryggir.
Þróunarfélag Keflavíkurflugvallar annast um þróun, umsjón og ráðstöfun eigna á svæðinu með það að markmiði að koma eignunum sem fyrst í hagfelld borgaraleg not. Geir H. Haarde, forsætisráðherra, mun á morgun flytja Alþingi skýrslu um starfsemi félagsins.
Sárt að horfa upp á illa meðferð fjármuna
Segjast ekki vera á kaldri slóð
Spursmál: Fyrsta stóra viðtal Katrínar
Hægagangur og vaxandi ókyrrð
Ekki byggt í takt við áform sveitarfélaga
Aðkoman í gripahúsið mjög slæm
Hæstiréttur staðfestir vanhæfi alls Landsréttar