Borgarstjóri ætlar ekki á höfuðborgarráðstefnu

Ólafur F. Magnússon í Ráðhúsinu.
Ólafur F. Magnússon í Ráðhúsinu. Árvakur/Árni Sæberg

Ólafur F. Magnússon, nýkjörinn borgarstjóri í Reykjavík, hefur tekið þá ákvörðun að sækja ekki höfuðborgarráðstefnu í Stokkhólmi um mánaðamótin. Vilhjálmur Þ. Vilhjálmsson, formaður borgarráðs, og Hanna Birna Kristjánsdóttir, forseti borgarstjórnar, og Gunnar Eydal, skrifstofustjóri borgarstjórnar, sækja fundinn fyrir hönd Reykjavíkurborgar.

Í tilkynningu frá skrifstofu borgarstjóra segir, að Ólafur vilji frekar einbeita sér að mikilvægum verkefnum, sem bíða á vettvangi borgarinnar og kynna sér mál þar sem hann sé nýtekinn til starfa. Þýðingarmikið sé að skapa festu og góðan vinnufrið hjá Reykjavíkurborg eftir atburði undanfarinna daga.

mbl.is